منتديات عرب نورشوبينغ

أول ملتقى للجالية العربية في مدينة نورشوبينغ السويدية
 
البوابةالرئيسيةس .و .جبحـثالأعضاءالمجموعاتالتسجيلدخول

شاطر | 
 

 صدق أو لا تصدق.. (متحف شمع) يقام في النجف وأول 9 أصنام تعرض من أصل 59 صنم.. وتوقعات أن يتحول المتحف الى ضريح يفوق زواره ودخله ضريح أمير المؤمنين..! – مقال ممتع

اذهب الى الأسفل 
كاتب الموضوعرسالة
نشمي
مشرف
مشرف
avatar

عدد المساهمات : 228
تاريخ التسجيل : 23/05/2008

مُساهمةموضوع: صدق أو لا تصدق.. (متحف شمع) يقام في النجف وأول 9 أصنام تعرض من أصل 59 صنم.. وتوقعات أن يتحول المتحف الى ضريح يفوق زواره ودخله ضريح أمير المؤمنين..! – مقال ممتع   الجمعة يناير 27, 2012 10:42 pm

صدق أو لا تصدق.. (متحف شمع) يقام في النجف وأول 9 أصنام تعرض من أصل 59 صنم.. وتوقعات أن يتحول المتحف الى ضريح يفوق زواره ودخله ضريح أمير المؤمنين..! – مقال ممتع


2012-01-26 :: بقلم: سرمد ::



تره هذولة شمع مو حقيقي.. وإذا ما تصدك ورّث عمامته بجداحة
راح تشوفه شلون يموووع مثل الشمعة المنورة..!





مدام توسود Madame Tussauds هو الاسم المعروف لأشهر متاحف الشمع حول العالم. وقد قررت محافظة النجف انشاء متحف شمع لأشهر الشخصيات الثقافية الاسلامية، طبعا حزرتوا منو؟ المتحف سيضم تماثيل للسادة محسن الحكيم ومحمد باقر الصدر ومحمد صادق الصدر فضلاً عن الشاعر الجواهري وجعفر الخليلي ومصطفى جمال الدين والشهيدة بنت الهدى... يعني شيعة بس طبعا..! اي شنو تريدون يخلون تمثال سني أعوج بالنجف؟

أنا شخصيا صرت شكوكي وأعتقد ماكو شغله يسووها أهل العمايم لوجه الله، حقي مو؟؟ لذلك من سمعت بهاي الشغله الفار لعب بعبّي. شنو القصد.. وليش يصرفون 20 مليون دولار على تماثيل شمع.. شنو احنه ناقصين عمايم أحياء حتى يجيبولنا عمايم المقبورين، من الخميني وانته نازل..؟؟

هسه اشرحلكم شنو الفلم.. أولا هاي التماثيل حرام لو حلال؟ زين ليش عمائم النجف أصدرت فتوى أن قسم النحت بالفنون الجميله حرام ويسوون اصنام، وطبعا كلها كسروها امتثالا لأمر المرجعية، بس تماثيل الشمع مو اصنام؟ افتونا مأجورين.

زين آني اليوم أريد اصير آية الله جراحستاني، وأصدر فتوى جريئة ومفاجئة اكول بيها أنه تماثيل الشمع اللي بالنجف هي فعلا أصنام حرام، وتماثيل الفنون الجميلة حلال..! سألتوا شلون مو..؟

هسه خلي تجي (زايره) من طهران وتشوف تمثال الخميني بمتحف الشمع مال النجف وشوفوا شراح تسوّي.. إذا ماطاحت على مداسه تبوسه آني مو سرمد..! زين شفتوا أحد يقدس تماثيل كلية الفنون الجميلة ؟ ها منو صنم ومنو تمثال حجار؟

يابه آني كلشي ما أريد بالعراق بس خلي ينطوني تمثال سيد مقتدى، وإذا ما لمّيت مليون دولار من النذوره بشهر واحد كلشي ما افتهم.. والخمس مالكم ادفعه مقدما على أي بنك سويسري اسلامي. وإذا تريدوه فِيَش روليت بكازينو مونت كارلو هم ماكو مانع.

خو اذا انطوني المتحف كله يمكن أطلع كلدارية حضرة أمير المؤمنين كسر، وأخلي الكوّام والكلداريه يجدّون بباب المتحف. ومو بعيد أخلي التماثيل تصدر فتاوي وأعزل الحوزه.. وحتى يمكن اسويهم حزب وادخل بيهم انتخابات برلمانيه واكيد راح يفوزون..!
على الاقل راح يكعدون بالبرلمان ومايغيبون.. وكل فرق ماكو بينهم وبين النواب الحاليين. بالعكس يفيدون الشعب اكثر، لأن يجيبون وارد وما ياخذون رواتب، وما يحتاجون حمايه ولا سيارات مصفحه، ونفس الشئ عود من يأمرهم رئيس الكتله صوتوا نعم يصوتون نعم. أكثر من هاي ماكو.

فهمتوا الفلم اخوان.. بير نفط جديد يتفجر في النجف (الأشرف)..!! ... هذا ما لدي، ولا أشك أن قراء المقال سوف يتحفوننا بتعليقات ظريفة تتناسب ومقام هذا الخبر..!



الرجوع الى أعلى الصفحة اذهب الى الأسفل
http://ankc.mam9.com
 
صدق أو لا تصدق.. (متحف شمع) يقام في النجف وأول 9 أصنام تعرض من أصل 59 صنم.. وتوقعات أن يتحول المتحف الى ضريح يفوق زواره ودخله ضريح أمير المؤمنين..! – مقال ممتع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عرب نورشوبينغ :: منتدى المرح والترفيه والقصص-
انتقل الى: