منتديات عرب نورشوبينغ

أول ملتقى للجالية العربية في مدينة نورشوبينغ السويدية
 
البوابةالرئيسيةس .و .جبحـثالأعضاءالمجموعاتالتسجيلدخول

شاطر | 
 

  گهوة الاجاويد...قصة حقيقية!!!‏

اذهب الى الأسفل 
كاتب الموضوعرسالة
جلجامش

avatar

عدد المساهمات : 115
تاريخ التسجيل : 19/12/2009

مُساهمةموضوع: گهوة الاجاويد...قصة حقيقية!!!‏   الثلاثاء فبراير 07, 2012 9:59 am

گهوة الاجاويد...قصة حقيقية!!!‏




في مدينة الثورة ببغداد هناك مقهي شعبي يرتاده العاطلون عن العمل وبيد کل واحد منهم کيسآ صغيرا فيه ادوات العمل !!! ولربما يستغرب القارئ الکريم کيف عاطلون عن العمل ومعهم ادوات العمل ...
ببساطة أن المقهي هو لملوم لرجال عاطلون عن العمل لا شغل لهم ولا مشغلة وسميت القهوة ( گهوة الاجاويد ) ..

وهؤلاء الاجاويد يلعبون النهار کله الدومينو والطاولي وتراهم جميعهم مطلوبين آو بالاحري خسرانين عشرين استکان شاي أو مطلوبين خمسين استکان لآبو الگهوة خانة وهکذا ..

وبالگهوة عبد الحسين وعبد الزهرة ومناتي وخلف وراضي ويمثلون عدة عشائر فمثلا هذا من عشيرة بني لام والاخر ساعدي والثالث زريجاوي وهکذا ...

أخوان يمعودين سحگت واحد بالسيارة وهسة نايم بالمستشفي ،، شسوي دفهموني لخاطر الله ؟ مصيبة ونزلت علي راسي ، والله مو صوچي هو ذب روحه جو التايرات .. دشوفولي چارة ؟

الاخر .. من داخل السجن . بوية دشوف أحد من معارفنا يطلعني من هالورطة ترا الضابط أيگول شغلتك بعشر دفاتر ماتخلص ؟

الاخر .. فدوة دشوف أحد منا ، منا حتي لو رهنت البيت مو مشکلة بس لايذبون دم الولد براسي ، يشهد الله بس أطلع من هالورطة أخذ الجواز وافلت للخارج ..

هذه ثلاث نماذج لحالات بالعراق وهم محرجين ولربما متورطين فعلا بما ارتکبوه والحل يکمن في گهوة الاجاويد بالثورة

عمي هاي گهوة الاجاويد ؟

أي عمي تفضل شنو قضيتك ؟ قتل ، ثار ؟ دعمة ؟

والله عمي ، أبني ساحگ فرد واحد ومن عشيرة ..... والرجال نايم بالمستشفي هسة ..

عمي سهلة قضيتك ومحلولة بخمس ملايين!!

أستغرب الرجل أشلون محلولة وبخمس ملايين !؟

عمي دروح جيبلنا کوستر وتعال .

ذهب الرجال يلهث مسرعا لکي يأتي بالکوستر وما آن وصل ، وجد هؤلاء العاطلين عن العمل قد تغيرت ملابسهم بسرعة البرق بالعبايات الرجالية والعگل ومعهم شخص لبس بسرعة البرق صاية سوداء ولبس عمامة السادة وتقدم إمامهم والاکياس التي فيها ملابسهم المدنية يترکوها عند الچايچي بعد ما يفضون شغلة الرجال ويتفاصلون ويبدأ الفصل في بيت المصاب .

أنطلق الکوستر لبيت الضحية المصاب أبو سرمد

خوية أحنا جيناکم وجبنا ويانا أبنا اللي دعم ابنکم وهذا قضاء وقدر وصار ، وأشتامرون أحنا سدادة ..وهاي جايبين ويانا الشيخ عبد الزهرة الساعدي والشيخ راضي اللامي والشيخ سلمان ال فتلة والسيد عبد الحسين الکعبي ونسمع منکم طلباتکم

( بالمناسبة ولا واحد منهم شيخ أو سيد ؛ ولکن اسمائهم صحيحة )

يحتار أهل المصاب وسط هذا الجمع الکريم من الشيوخ والسادة الافاضل قد تجشموا عناء السفر ويمثلون أطياف متنوعة من عشائر العراق المحترمة .

أما ذوو المصاب وخاصة النساء يبدئن بالابتسامات فيما بين الجيران قائلات :

عيني لو تشوفين چم شيخ عشيرة جاي وياهم وفوگاها جايبيين سيد أبن رسول الله وياهم ؛ أيگوللچ جايين بکوسترات أثنين ؛ عيني نگدر نطلب الکراسي مالتکم ؟ الاستقبال مالتنا قبط وعيب من الخطار والشيوخ ..

يبدآ أخو المصاب قائلآ :

أهلا وسهلا بيکم وجيتکم علي العين والراس ومثل ماتعرفون أخوية صار له يومين بالمستشفي نايم وبرگبته عائلة أيعيشهم .

يقاطعونه ( يبدوا أنها کلمة السر فيما بينهم ) حگکم علينا ورگبتنا سدادة ، بس هالله هالله ترا هذا قدر ومکتوب وهذا ألرجال يمکم أبو سايق التکسي وبرگبته سبع أيتام وأمه ضريرة وگاعد أيجار ، الله وکيلکم يومية صاحب البيت أيريد أيشيله من البيت .

سکون يخيم علي المکان ويحتار ذوو المصاب ياتري کم يطلبون تعويض !؟

عمي ترا الفلوس تروح وتجي وأحنا راح نطلب تعويض 5 ملايين دينار ومثل ماتعرفون کلها راح تروح للادوية والمستشفيات والکراوي

يرد أحد الاجاويد : عمي لخاطر جيتنا وجيت الشيوخ طيحوا مليون

ولخاطر السادة طيحوا مليون لاخ ولخاطر أيتام السايق طيحوا مليون لاخ وهاي مليونيين دينار لآخوکم أبو سرمد بالمستشفي وماراح نقصر وياه نزوره انشاء الله وأحنا أهل ....

جيبوا شربت وشربوا الاجاويد الشرب والکيك والبقصم وو......

يرد آخو المصاب : يابة والعظيم ماتطلعون ذابحلکم طلي ، صدگ چذب ..
يرد أحد الاجاويد : وليدي أسمع آنشا الله نجيکم بالافراح والطلي واصل ، خلي جهال ابو سرمد يتهنون بيه ..

( کرم مابعده کرم )

اودعناکم

يرکب الاجاويد الکوستر منطلقا لمدينة الثورة نحو الگهوة متقاسمين ماتبقي من الخمس ملايين ومعهم أبو السايق الذي دهس آبو سرمد ، قائلين :
ها عمي أشلون شفتنا وياك؟هاي حليناه وانحلت والحمد لله بخمس ملايين،مو زين مارادوا عشرين مليون !؟

يرد ابو السائق : ولکم عمي أني الممنون منکم وما آنسي وگفتکم وياي ، تستاهلون أکثر من هالثلث ملايين ؛ الله يخلي الاجاويد وگهوتهم ..

يذهب ابو السايق مرتاحا بعد يوم شاق من الفصل والفصلية والعطوة ولملمت الشيوخ الي ذويه ..

ولک تعال خضير ، چم استکان چاي تطلبني ؟ هاک هاي خمس تالاف وخمسمية بخشيش مني ، جيب الزارات والطاولي
وهکذا يبدئون الاجاويد رحلة عمل يوم أخر بلعب الدومنه والطاولي بأنتظار مفجوع قادم وملابسهم جاهزة بکيس النايلون يم خضير الچايچي




الرجوع الى أعلى الصفحة اذهب الى الأسفل
 
گهوة الاجاويد...قصة حقيقية!!!‏
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عرب نورشوبينغ :: منتدى المرح والترفيه والقصص-
انتقل الى: