نشمي
مشرف
عدد المساهمات : 228
تاريخ التسجيل : 23/05/2008
 |  موضوع: في حضرة السيد  الثلاثاء مايو 18, 2010 8:00 pm | |
|  في حضرة السيد
السيد آية الله على خامنئي في اجتماع مغلق مع رئيس الجمهورية الاسلامية الايرانية أحمد نجادي :
خامنئي : ولك أحمد .. تعال أقوللك سر بس خليه بيني وبينك ..
أحمد نجادي يحجي وية نفسه : عااااوووه بدينا بالكلاوات !!!
خامنئي : تعرف انه آني أمس كنت وية السيد المهدي المنتظر !!!
أحمد نجادي : معقولة ؟
خامنئي : شنو مو مصدقني ؟ وعلى فكرة هو زعلان منك هواية !!!
أحمد نجادي : مو مسألة انه آني مو مصدقك بس المسألة انه هو همينة اجاني أمس وهمينة قال انه زعلان منك ..
خامنئي : منو اللي اجاك أمس ؟
أحمد نجادي : السيد المهدي المنتظر عجل الله فرجه !!!
خامنئي يضحك بصوت عالي : ولك يا زوج هذا اللي اجاك أمس استنساخ عنه !!!
أحمد نجادي : شنو هو السيد المهدي المنتظر سووله استنساخ ؟
خامنئي : لعد اشلون ؟ تريدنا نايمين هيج وما نطور نفسنا ؟ لعد اشلون احنا جمهورية اسلامية وما نشجع العلم والعلماء ؟
نجادي : ما دام احنا نشجع العلم والعلماء لعد ليش احنا دا نقتل العلماء في العراق؟
خامنئي : أنت لسانك ينرادله قص , تجيب علماؤهم على علمائنا , العلماء اللي بالعراق هذولة بعثيين وكفار ولا تنسى الشي الأهم انهم عرب , وهذولة همة اللي توونا توي في الحرب العراقية الايرانية , الله وكيلك ثمان سنوات واحنا دا ناكل خـ.. بسببهم , وأظنك تعرف اشلون طعمه ؟؟؟!!!
نجادي : ايه أعرفه كلش زين بيه هواية حموضة .. حتى انه من كثر ما أكلت منه اجاني القولون !!!
خامنئي : هسة عوفنا من شغلة الحموضة وخلينا بالأهم .. الامام المهدي المنتظر كان هواية زعلان منك و..
نجادي : بس آني عندي اعتراض على انه هناك شغلة اسمها استنساخ الامام المهدي , يعني لو تقوللي انه أخوه الصغير اجاني ممكن أصدقها أكثر .
خامنئي : أخوه شنو أنت ما تعرف انه الامام الحسن العسكري أبو الامام المهدي المنتظر كان عقيم ؟ وهاي حقيقة تاريخية محد يكدر ينكرها .
نجادي : كان عقيم ؟ لعد اشلون خلف الامام المهدي المنتظر ؟
خامنئي : ها ؟ والله ما أعرف , بس يمكن صار عقيم بعد ما خلف الامام المهدي !!!
نجادي : يعني هسة تريد تقنعني انه انتو سويتوا استنساخ للامام المهدي من غير ما اعرف آني .. مو آني رئيس الجمهورية وقبل كنت لازم المخابرات , اشلون ما تقولولي ؟ على الأقل أشارك برأيي لأنكم تعرفون انه أفكاري شيطانية وممكن أسويلكم استنساخ عن ابليس بحد ذاته !!!
خامنئي : اذا احنا عدنا ابليس ليش لعد نسوي استنساخ عنه ؟
نجادي : منو تقصد ؟
خامنئي : أقصدك أنت .. وترى ابليس كل ما يسمع اسمك يستعيذ بالله منك .. أما شغلة الاستنساخ فالأمر كان سهل وبغاية البساطة وما كان يحتاج خباثتك .. عفوا ذكائك الخارق !!!
نجادي : اشلون هذا الأمر بغاية البساطة ؟ ممكن تشرحلي ؟
خامنئي : احنا طلبنا من شركة أمريكية انه ..
نجادي : أهااااااااا الشغلة بيها أمريكا .. هسة افتهمت !!!
خامنئي : شنو افتهمت يا حبيب الحوزة ؟
نجادي : أنت اتفقت مع شركة أمريكية انها تسوي استنساخ عن الامام المهدي المنتظر .. صحيح ؟
خامنئي : صحيح !!!
نجادي : وبما انه الامام المهدي محد يكدر يشوفه الا الناس اللي تؤمن بولاية آل البيت إيمان قطعي وممكن استخدامها علمود تسهل عملية الاستنساخ , فكان الانسان المرشح استخدامه هو حضرتكم مولانا .
خامنئي : ألا يا ملعون اشلون عرفت ؟
نجادي : خليني أكمللك .. وعلمود تنجح عملية الاستنساخ كان لازم تروح أنت لأمريكا وهناك يسوولك تنويم مغناطيسي علمود يشوفون اشلون الامام المهدي تلتقي بيه بالحلم !!!
خامنئي مندهش وعيونه رادت تطلع من نظاراته : ايه كمل كلامك !!!
نجادي : وبتأثير الشحنات المغناطيسية الفوق بنفسجية والتحت الحمراء يتم تصوير الامام المهدي بسهولة وهو يشرب الجاي وياك .. صحيح ؟ مو ؟
خامنئي باندهاش : اللي سماك ابليس الجمهورية الاسلامية ما كذب .. أعوذ بالله من نجادي الرجيم .. أعوذ بالله من نجادي الرجيم !!!
نجادي : آني لما اجاني المهدي المنتظر عفوا استنساخ الامام المهدي المنتظر عجل الله فرج استنساخه , شعرت ... شعرت ..(أحمد نجادي صار يبجي) .. شعرت انه هناك هالة من نور فوق رأسي تنير الدنيا وتعطي قلبي شحنات غريبة ملؤها الايمان المطلق بولاية آل البيت عليهم السلام ومكسوة بشوق عجيب لظهور امام الزمان الامام المهدي المنتظر و..
خامنئي صار يعفط : ولك كلاوجي .. هاي الكلاوات تقولها للناس مو إلية .. ولك احنا دافنينه سوية !!!
نجادي : آني أعرف انه احنا دافنينه سوية .. بس علمود نخلي الناس تصدق كل الكلاوات كان لازم احنا نعيش الدور بكل جوانبه وانه نصدق الجذب اللي دا نخترعه علمود نعرف اشلون نمثل الدور على عامة الناس .. افتهمت مولانا هسة لو تريدني أشرح لك أكثر ؟؟؟
خامنئي : كلامك صحيح شيطون الجمهورية الاسلامية .. وآني همينة لما ظهر لي الامام المهدي عجل الله فرجه , شعرت بتلك الهمسات الرقيقة التي تناجي فؤادي المتعطش لرؤية امامنا وامام الزمان وتدغدغ مشاعري الجياشة لشفاعته والسماح لي بدخول الفردوس بجانب الحسين عليه السلام .. أووووووووف أوووووووف وااااااااه واااااااه حسيناه .. حسيناه .. يا أبااااااااااا عبدالله نجيني من عذابي .. وأرح فؤادي .. ونور بصيرتي .. وارشدني علللللللللى دربي ... يبووووووووووه !!!
خامنئي ونجادي صاروا يبجون ويلطمون , وعلى غفلة صاروا يضحكون !!!
نجادي : مولانا اذا آني شيطون الجمهورية الاسلامية فأنت الابليس اللي طلع آدم وحواء من الجنة .. أنت على هاي اللطمية بس ينرادلك باسم الكربلائي علمود يلحن لطمياتك ويغنيها !!!
خامنئي : والله خوش فكرة .. والمربح بالنص بيني وبينه .. هع هع هع هع !!!
نجادي : مولانا .. هسة خلينا نحجي بالجد .. بالنسبة لشغلة العراق .. أنت عارف انه أمريكا دا تجهز نفسها لدخول العراق واحنا هسة بسنة 2003 وهو الموعد اللي اتفقنا وية الولايات المتحدة علمود ندخل العراق سوية .. أمريكا تدخل بجيوشها ودباباتها وطياراتها واحنا ندخل بواسطة عملائنا , والخطة تتضمن التنسيق وية الولايات المتحدة لتنصيب عملائنا على رأس الحكومة العراقية المقبلة !!!
خامنئي : زين انت جهزت عملائنا اللي راح انصبهم على الحكم في العراق ؟
نجادي : والله مولانا آني اتصلت ببعضهم وباقي علية أتصل بالباقين ..
خامنئي : منو الباقي اللي ما اتصلت بيهم ؟ هسة أريدك كدامي تتصل بيهم لأن ما عدنا وقت !!!
نجادي : راح أتصل بأول واحد وهو السيستاني ..
خامنئي : لا .. لا تحاول وية السيستاني , لأنه ما راح يجاوب عليك !!!
نجادي : ليش مولانا ؟ مو هذا اللاعب الأساسي عدنا !!!
خامنئي : لأن السيستاني طول عمره صامت وما راح يرد عليك ودوره في احتلال العراق انه يكون صامت وينفذ أوامرنا باصدار الفتاوي اللي نريدها .. بصمت .. أنت سامع عن الموبايل الصامت ؟ هو دوره هيج نفس الموبايل الصامت !!!
نجادي : لعد راح اتصل على ابراهيم الجعفري ..
خامنئي : تقصد الأشيقر الباكستاني ؟
نجادي : هو بعينه مولانا .. هسة تلاكيه بالحسينية بلندن دا يلطم وية النسوان لأنه شغلته الحقيقية هو “ملاية“ !!!
خامنئي : ليش هو طلع من السجن ؟ يقولون هذاك اليوم صادوه لازك بوحدة مرية أثناء اللطمية وما عافها الا لما اجت الشرطة البريطانية وشبعته عصي على راسه .
نجادي : وهو هذا المطلوب .. لازم العميل يكون سرسري تكة ماكو علمود ينفذ كل طلباتنا من غير ما يبيع شرف براسنا, واذا حاول يبيع شرف راح نسرد له ماضيه الأسود .
نجادي يحاول الاتصال بالجعفري بس الجعفري ساد التلفون ومخلي انسر ماشين تقول ( الأشيقر مشغول باللطمية هسة وية النسوان , أرجو معاودة الاتصال لاحقا أو وضع رسالة بعد سماع لطمية “ما أكدر أعوفك” تووووووووووووت ) !!!
نجادي يضحك : ملعون الجعفري لازك بالنسوان ويطلم على لطمية ما أكدر أعوفك !!!
خامنئي : لعد اتصل بنوري المالكي !
نجادي : تقصد بهذا اللي يبيع سبح بالسيدة زينب بسوريا ؟
خامنئي : هو بعينه .. الكلب ابن الكلب هذاك اليوم باعني سبحة على انها كهرب ممكن من خلالها نحضر روح الامام الخميني , بس للأسف غشني و طلعت بلاستك وبدل ما أحضر روح الامام الخميني طلع لي المهاتما غاندي , الا أطلع الفلوس من عيونه هالحرامي !!!
نجادي : بس مولانا هذا هو هم عز الطلب حرامي وغشاش وبياع سبح مو شايف خير , يعني هذا اذا تخليه بالحكومة العراقية راح يفرهدها .. هسة راح أتصل بيه ..
المالكي : ألو .. يوجد لدينا سبح بجميع الأنواع .. كهرب .. عطش .. عاج .. بجميع الأحجام ولكل أفراد العائلة .. واذا تشترون 3 سبح تاخذون وياهة سبحة مجاني و...
نجادي : ولك ملعون مو عارفين السبح مالتك كلها مغشوشة ومثلك ما تسوى فلس ..
المالكي يقوم على حيله : منو ؟ عمي نجادي ؟ يا هلا ويا مرحبا بسيدي ومولاي !!!
نجادي : شوف ولك ملوكي .. اترك كل السبح مالتك بالمحل وسده وراح ندزلك تذكرة لطهران وتجي بسرعة .. افتهمت ؟؟؟ !!!
المالكي : بس مولانا آني هسة ما عندي محل , عندي بسطية لأن المحل حجزوا عليه صارلي تلاث تشهر مو دافع الآجار !!!
نجادي : ملعون لعد وين الفلوس اللي دزينالك اياها مالت الآجار ؟ وين ضيعتها ؟ بالقمار يا قمرجي ؟
المالكي : والله مولانا هاي آخر مرة , ساعة شيطانية وما راح أعيدها .
نجادي : لا تخلي الشيطان بالنصية , ترى واصلتنا الأخبار مالت الشيطان اللي رفع عليك قضية انتحال شخصية , تعال بسرعة ولا تتأخر .. سمعتني زين لو بالنعل نمشيك ؟
المالكي : حاضر مولانا .. راح أخلي السبح مالتي عند الولد أبو الكشوانية .. صحيح هو يطالبني فلوس بس ماكو مشكلة مادام أنتو تدفعون .. هع هع هع هع !!!
نجادي سد التلفون بوجه نوري المالكي بعد ما قال له : ألا يا أدب سز !!!
خامنئي : هسة منو باقي ما اتصلت بيه ؟
نجادي : باقي موفق الربيعي و..
خامنئي : تقصد كريم شهبور ؟ هذا لا تتصل بيه ..
نجادي : ليش مولانا ؟ مو هذا عنصر أساسي ..
خامنئي : مو القصد .. بس هو قبل ما يترك شغلته الأساسية وهي تنظيف الحمامات قلت وية نفسي لو أخليه ينظف حمام العلوية زوجتي على الأقل يوفر علية أجرة التنظيف وهو هسة دا ينظف الحمام هالابن الحرام , وآني راح أشوفه وأفهمه .. منو بقى هسة ؟
نجادي : باقي هسة أحمد جلبي ..
خامنئي : هذا الشخص كلش يعجبني .. يذكرني أيام ما كنت مسؤول على أمانة صندوق الحوزة , الله وكيلك ما بقيت بيها ولا تومان ... بس مشكلته أحمد جلبي أنك ما تكدر تصافحه يد بيد !!!
نجادي : ليش مولانا .. هو جربان ؟
خامنئي : من ناحية جربان فهو جربان .. بس المشكلة مو هنا .. المشكلة أنك اذا صافحته وأنت لابس خاتم هذا معناتها انه الخاتم راح يصير بجيبه .. يعني خفة يد .. ومصيبة اذا تدعيه عندك للبيت لأنه راح يخمط الأكو والماكو وهمينة بخفة يد .
نجادي : معقولة ؟ فيه هيج انسان بهالقابلية ؟
خامنئي : وأكثر من هيج .. الله وكيلك هذاك اليوم مجرد اني سلمت عليه طارت من المحفظة مالتي ألفين تومان جنت قابضها ثمن فتوة مستعجلة وما أريد أزيد عن هذا لأنه فيه أشياء باكها مني أستحي أقولها .
نجادي : لعد اذا المسألة فيها خمط راح أخلي واحد غيري يتصل بيه .
خامنئي : وليش مو أنت ؟
نجادي : مولانا .. أخاف أتصل بيه ويبوك رصيد موبايلي .. مو تقول انه يبوك الكحل من العين ؟؟؟!!!
خامنئي : هسة منو بقى ما اتصلنا بيه ؟
نجادي : بقى آل الحكيم والصدر وبقية المعممين !!!
خامنئي : هذولة أمرهم سهل لأنهم موجودين بايران وهمة كلابنا بس ترميلهم عظمة يجون وراك ركض ويبوسون قندرتك !!!
نجادي : يعني نقول لأمريكا احنا جاهزين ؟؟؟
خامنئي : ولا تنسى تقوللهم انه الامام المهدي انطى الضوء الأخضر للبداية !!!
نشمي | |
|
